2022 թվականի հունիսի 30-ին տեղի ունեցավ ՀՀ ԿԳՆ «Երևանի «Մխիթար Սեբաստացի» կրթահամալիր ՊՈԱԿ-ի կառավարման խորհրդի հեռավար նիստը: Նիստին մասնակցեցին խորհրդի 14 անդամներից 11-ը:

Օրակարգում ընդգրկված էին հետևյալ հարցերը՝

  1. Երևանի «Մխիթար Սեբաստացի» կրթահամալիր ՊՈԱԿ-ի՝ պետական բյուջեի միջոցներից ֆինանսավորման մասին. առաջարկ 

    Հանրային քննարկման դրված փաստաթղթերը՝ 
    «Հանրակրթական ուսումնական հաստատությունների՝ պետական բյուջեի միջոցներից ֆինանսավորման կարգը սահմանելու և Հայաստանի Հանրապետության կառավարության՝ 2006 թվականի օգոստոսի 24-ի 1262-Ն որոշումն ուժը կորցրած ճանաչելու» ՀՀ կառավարության որոշման նախագիծ
    «Հանրակրթական ուսումնական հաստատությունների՝ պետական բյուջեի միջոցներից ֆինանսավորման գործակիցները և նորմատիվները հաստատելու մասին» նախարարի հրամանի նախագիծ
  2. «Մխիթար Սեբաստացի» կրթահամալիրի՝ հեղինակային կրթական ծրագիր իրականացող ուսուցիչների կամավոր ատեստավորման, կամավոր ատեստավորման արդյունքով ուսուցչի դրույքաչափի և դրան հատկացվող հավելավճարի տրամադրման կամավոր ատեստավորման հանձնաժողովի ձևավորման կարգ:

Օրակարգում ընդգրկված հարցերը ներկայացրեց «Մխիթար Սեբաստացի» կրթահամալիրի տնօրեն Սուսան Մարկոսյանը:

Դիտարկում, լրացումներով հանդես եկավ կրթահամալիրի հիմնադիր-տնօրեն Աշոտ Բլեյանը:

Խորհրդի անդամները ծանոթացան.

  • օրակարգում ներկայացված փաստաթղթերին

Արձագանքեցին
Խորհրդի նախագահ Արամազդ Ղալամքարյանը

  • առաջարկեց խորհրդի անդամներին մանրամասն ծանոթանալ կից փաստաթղթերին և առաջիկա նիստին հանդես գալ առաջարկներով:

Որոշեցին.

  • առաջիկա նիստին ներկայացնել խորհրդի անդամների կարծիքները, դիտարկումները կից փաստաթղթերի վերաբերյալ, հանդես գալ առաջարկներով:

Նիստի՝   տեսաձայնագրությունը:

Խորհրդի նախագահ՝ Արամազդ Ղալամքարյան:

Խորհրդի քարտուղար՝ Արմինե Մովսիսյան :

30.06.2022