Skip to content
8 Հուլիսի, 2021 / sebastaciradio

Արձանագրություն 21-06(08.07.2021)

2021 թվականի հուլիսի 8-ին տեղի ունեցավ ՀՀ ԿԳՆ «Երևանի «Մխիթար Սեբաստացի» կրթահամալիր» ՊՈԱԿ-ի կառավարման խորհրդի հերթական նիստը: Նիստն անցկացվեց Teams առցանց հարթակում։ Խորհրդի 15 անդամներից ներկա էին 14-ը։ Հարգելի պատճառով բացակայում էր Օվսաննա Բաղդասարյանը:

Օրակարգում ընդգրկված էին հետևյալ հարցերը.

  • 2021թ. հունվար-հունիս ամիսների  գործունեության հաշվետվությունը՝
  • ֆինանսական (12345678)
  • կրթական, հետազոտական
  • Բլեյան բաց ցանցով 2021-ի աշխատանքը. տեղեկանք
  • Խորհրդի սովորող անդամների փոփոխության անհրաժեշտություն
  • Այլ հարցեր
  • կրթահամալիրի ավտոբուսների դուրս գրման ընթացքի մասին
  • կրթահամալիրում հացաթխման արտադրություն սկսելու մասին

Օրակարգում առաջադրված բոլոր հարցերը մանրամասն ներկայացվեցին, զուգահեռ ցուցադրվեցին պարզաբանումներ, համապատասխան փաստաթղթեր։

Մանրամասն , ըստ կցված փաստաթղթերի, ներկայացվեց 2021 թվականի հունվար-հունիս ամիսների գործունեության հաշվետվությունը: Ֆինանսական հաշվետվությունը ներկայացրեց կրթահամալիրի հաշվապահը և պատասխանեց խորհրդի նախագահի հարցերին: Կրթահամալիրի տնօրեն Սուսան Մարկոսյանն անդրադարձավ կրթական, հետազոտական ուղղությունների հաշվետությանը: Քանի որ փաստաթղթերը բավական ծավալուն են, առաջարկվեց, որ խորհուրդը առաջիկա շաբաթվա ընթացքում մանրամասն նայի և հարցերն ուղղի գրավոր կարգով:

Ներկայացվեցին Բլեյան բաց ցանցի աշխատանքները. խորհուրդը նշեց, որ տպավորիչ աշխատանք է տարվում:

Առաջիկայում սպասվում են սովորողների և քոլեջի ուսանողների խորհրդի անդամների փոփոխություն: Այս հարցի վերաբերյալ խոսեց խորհրդի անդամ Իլոնա Սահակյանը՝ առաջարկելով ընտրությունները թողնել սեպտեմբերին և հնարավորություն տալ առաջադրված կամ ինքնառաջադրված թեկնածուներին ներկայանալ սովորողների խմբերին, հանդիպումներ ունենալ, ասուլիսներ կազմակերպել , այունհետև ընտրություններ անցկացնել, որպեսզի ավելի մեծ թվով սովորողներ ընդգրկվեն ընտրության գործընթացին, նաև սեպտեմբերից նոր ընդունվող սովորողները նույնպես ընտրելու հնարավորություն ունենան: Առաջարկն ընդունեցին նաև քոլեջի ուսանողական խորհրդի անդամները:

Այնուհետև անդրադարձ կատարվեց կրթահամալիրի ունեցած հին և այլևս չգործածվող ավտոբուսների դուրս գրմանը և հացթխման արտադրամասի բացմանը:

Խորհրդի նիստի ձայնագրությունը՝ այստեղ:

Խորհրդի նախագահ՝ Արամազդ Ղալամքարյան

Խորհրդի քարտուղար՝ Տաթև Աբրահամյան

08.07.2021

23 Հունիսի, 2021 / sebastaciradio

Խորհրդի նիստ (08.07.2021)

Հուլիսի 8-ին՝ 17:30, հրավիրվում է կրթահամալիրի կառավարման խորհրդի նիստը:

Առցանց կարող եք միանալ այս հղումով:

Օրակարգում՝ 

  • 2021թ. հունվար-հունիս ամիսների  գործունեության հաշվետվությունը՝
  • ֆինանսական (12345678)
  • կրթական, հետազոտական
  • Բլեյան բաց ցանցով 2021-ի աշխատանքը. տեղեկանք
  • Խորհրդի սովորող անդամների փոփոխության անհրաժեշտություն
  • Այլ հարցեր
  • կրթահամալիրի ավտոբուսների դուրս գրման ընթացքի մասին
  • կրթահամալիրում հացաթխման արտադրություն սկսելու մասին
22 Հունիսի, 2021 / sebastaciradio

Փոփոխություններ կառավարման խորհրդի կազմում

Երևանի «Մխիթար Սեբաստացի» կրթահամալիրի կառավարման խորհրդի կազմում փոփոխություններ կատարելու մասին հրաման

-Բաղդասարյան Օվսաննա

27 Մայիսի, 2021 / sebastaciradio

Արձանագրություն 21-05(27.05.2021)

2021 թվականի մայիսի 27-ին  տեղի ունեցավ ՀՀ ԿԳՆ «Երևանի «Մխիթար Սեբաստացի» կրթահամալիր» ՊՈԱԿ-ի կառավարման խորհրդի հերթական նիստը: Նիստն անցկացվեց Teams առցանց հարթակում։ Խորհրդի 14 անդամներից ներկա էին 11-ը։ Հարգելի պատճառով բացակայում էին Պարգև Բարսեղյանը, Մարինա Աբրահամյանը և Տիգրան Սերոբյանը։

Օրակարգում ընդգրկված էին հետևյալ հարցերը.

  1. Հեղինակային կրթական ծրագրերի 2021-2022 ուսումնական տարվա ուսումնական պլաններ
  2. Ընդունված, ազատված աշխատողներ
  3. «Սեբաստացիներ» հիմնադրամի հետ աշխատանքներ
    կրթահամալիրի և հիմնադրամի միջև կնքվող պայմանագիր
  4. Կրթահամալիրի 2021 թվականի նախահաշվում փոփոխության առաջարկ
  5. Ուսումնական գործունեության հունվար-մայիսը
  6. 2021թ․ կատարված շինբարեկարգման աշխատանքներ

Օրակարգում առաջադրված բոլոր հարցերը մանրամասն ներկայացվեցին, զուգահեռ ցուցադրվեցին պարզաբանումներ, համապատասխան փաստաթղթեր։

Մանրամասն դիտարկելուց հետո Խորհուրդը հաստատեց Կրթահամալիրի 2021 թվականի նախահաշվում փոփոխության առաջարկը։ Խորհրդի բոլոր անդամները կողմ արտահայտվեցին փոփոխությանը:

Խորհուրդը հաստատեց 2021-2022 ուստարվա ուսումնական պլանները։ Քննարկվեց նաև իններորդ դասարաններ՝ առանձին օղակ դիտարկելու հարցը:

Ներկայցվեցին ընդունված և ազատված աշխատողները։ Ընդունված աշխատողները հնարավորություն ունեցան ներկայանալու։

Խոսվեց նաև ,,Սեբաստացիներ,, հիմնադրամի գործունեության մասին, Խորհրդի նախագահին հետաքրքրեց հիմնադրամի ֆինանսական միջոցների առաջացումը:

Ներկայացվեցին նաև հունվար -մայիս ամիսների ուսումնական գործունեությունը և 2021 թվականի ընթացքում կատարված շինբարեկարգման աշխատանքները:

Խորհրդի նիստի ձայնագրությունը՝ այստեղ։

Խորհրդի նախագահ՝ Արամազդ Ղալամքարյան

Խորհրդի քարտուղար՝ Տաթև Աբրահամյան

27.05.2021

9 Մայիսի, 2021 / sebastaciradio

Խորհրդի նիստ (27.05.2021)

Մայիսի 27-ին` ժամը 17:30, Microsoft Teams առցանց հարթակում հրավիրվում է կրթահամալիրի խորհրդի նիստը:

Առցանց կարող եք միանալ այս հղումով:

Օրակարգում՝

  1. Հեղինակային կրթական ծրագրերի 2021-2022 ուսումնական տարվա ուսումնական պլաններ
  2. Ընդունված, ազատված աշխատողներ
  3. «Սեբաստացիներ» հիմնադրամի հետ աշխատանքներ
    կրթահամալիրի և հիմնադրամի միջև կնքվող պայմանագիր
  4. Կրթահամալիրի 2021 թվականի նախահաշվում փոփոխության առաջարկ
  5. Ուսումնական գործունեության հունվար-մայիսը
  6. 2021թ․ կատարված շինբարեկարգման աշխատանքներ
24 Փետրվարի, 2021 / sebastaciradio

Արձանագրություն 21-04 (23.02.2021)

2021 թվականի փետրվարի 23-ին  տեղի ունեցավ ՀՀ ԿԳՆ «Երևանի «Մխիթար Սեբաստացի» կրթահամալիր» ՊՈԱԿ-ի կառավարման խորհրդի նիստը: Նիստին ֆիզիկական միջավայրում մասնակցում էր 12 անդամ , տարբեր պատճառներով նիստին մասնակցել չկարողացող անդամներին հնարավորություն տրվեց մասնակցել հեռավար կարգով՝ «Teams» ծրագրի միջոցով:

Հեռավար և ֆիզիկական միջավայրում նիստին մասնակցում էին խորհրդի բոլոր անդամները: Ներկա էր նաև ԿԳՄՍ նախարարության ներկայացուցիչ ԱնուշԲալյանը:

Օրակարգում՝

  • ՀՀ ԿԳՆ «Երևանի «Մխիթար Սեբաստացի» կրթահամալիր»  ՊՈԱԿ-ի տնօրենի ընտրություն 

Տնօրենի ընտրության կարգը հրապարակվել էր Խորհրդի վեբկայքում:

ՀՀ ԿԳՆ «Երևանի «Մխիթար Սեբաստացի» կրթահամալիր»  ՊՈԱԿ-ի տնօրենի թափուր պաշտոնի հայտարարությունը տեղադրվել էր azdarar.am և mskh.am վեբկայքերում

Սահմանված ժամկետում կրթահամալիրի Խորհրդի նախագահի անունով ստացվել է երկու հայտ՝ հետևյալ հավակնորդների կողմից.

Խորհրդի նիստի քննարկման միակ թեման ՀՀ ԿԳՆ «Երևանի «Մխիթար Սեբաստացի» կրթահամալիր»  ՊՈԱԿ-ի տնօրենի ընտրությունն էր: Ներկա էին թափուր պաշտոնի համար դիմած երկու հայտատուները՝ Սուսան Մարկոսյանը և Աննա Գրիգորյանը: Խորհուրդը որոշեց առանձին լսել թեկնածուների տեսլականը կրթահամալիրի զարգացման ռազմավարական ուղղությունների մասին, իսկ այնուհետև յուրաքանչյուրի հետ անցկացնել առանձին հարցազրույց: Սկզբում խոսեց Աննա Գրիգորյանը, ներկայացրեց իր առաջարկած զարգացման ծրագիրը, պատասխանեց խորհրդի անդամների հարցերին:

Այնուհետև ներկայացավ Սուսան Մարկոսյանը, ներկայացրեց կրթահամալիրի զարգացման իր ծրագիրը, պատասխանեց խորհրդի անդամների հարցերին:

Հարցազրույցը և ներկայացումներն ավարտելուց հետո , ընտրության կարգի համաձայն, խորհուրդը սկսեց քվեարկությունը: Խորհրդի քարտուղարը էլեկտրոնային քվեաթերթիկն ուղարկեց 15 անդամների էլեկտրոնային փոստի հասցեներին, ովքեր անմիջապես կատարեցին իրենց ընտրությունը և քվեարկեցին: Ավարտելուց հետո էկրանին բաց ներկայացվեցին քվեարկության արդյունքները՝ 14 ձայն՝ Սուսան Մարկոսյանի օգտին, 1 ձեռնպահ: Խորհրդի նախագահը հայտարարեց քվեարկության արդյունքները և շնորհավորեց Սուսան Մարկոսյանին՝ ՀՀ ԿԳՆ «Երևանի «Մխիթար Սեբաստացի» կրթահամալիր»  ՊՈԱԿ-ի նոր տնօրենի ընտրվելու առթիվ:

Քվեարկությունն իրականացվել է փակ, էլեկտրոնային տարբերակով, արդյունքները հրապարակվել են բոլոր ներկաների առջև:

Խորհուրդը հաստատեց քվեարկության արդյունքները:

Նիստի ձայնագրությունն՝ այստեղ :

23.02.2021

Խորհրդի նախագահ ՝ Արամազդ Ղալամքարյան

Խորհրդի քարտուղար՝ Տաթև Աբրահամյան

16 Փետրվարի, 2021 / sebastaciradio

Խորհրդի նիստ (23.02.2021)

Փետրվարի 23-ին` ժամը 18:00, Մեդիակենտրոնում հրավիրվում է կրթահամալիրի խորհրդի նիստը (հասցեն՝ Րաֆֆու 57):

Օրակարգում՝

ՀՀ ԿԳՆ «Երևանի «Մխիթար Սեբաստացի» կրթահամալիր»  ՊՈԱԿ-ի տնօրենի ընտրություն 

Տնօրենի ընտրության կարգ

ՀՀ ԿԳՆ «Երևանի «Մխիթար Սեբաստացի» կրթահամալիր»  ՊՈԱԿ-ի տնօրենի թափուր պաշտոնի հայտարարություն

Ստացված հայտեր

15 Փետրվարի, 2021 / sebastaciradio

Պաշտպանենք հանրակրթության մասնակցային կազմակերպման ֆինանսական մոդելը

ՀՀ վարչապետ Նիկոլ Փաշինյանին

Մեծարգո վարչապետ.  
Ձեր ուշադրությունը հրավիրում ենք Երևանի «Մխիթար Սեբաստացի» կրթահամալիրի ֆինանսավորման հետ կապված հարցին: ՀՀ 2021թ. պետական բյուջեի «Նորարարական մանկավարժության ծրագրերի իրականացում հանրակրթությունում» ծրագրի դրամաշնորհի պայմանագիրը լիազոր մարմին ՀՀ ԿԳՄՍՆ կողմից դեռ կնքված չէ, չնայած ՀՀ կառավարության 30.12.2020թ. «Հայաստանի Հանրապետության 2021 թվականի պետական բյուջեի կատարումն ապահովող միջոցառումների մասին» N2215 որոշման՝ իր հավելվածներով, որով դրամաշնորհը հատկացված է «Մխիթար Սեբաստացի» կրթահամալիր ՊՈԱԿ-ին, ծախսերի եռամսյակային (աճողական) համամասնություններով։ Կրթահամալիրը սահմանված ձևով, ժամկետներում ԿԳՄՍՆ ներկայացրել է պայմանագրի կնքման համար անհրաժեշտը՝ ծրագրի 2020թ. հաշվետվությունը, ծրագրի 2021 թ. միջոցառումները՝ որպես կնքվող պայմանագրի հավելված։ Կրթահամալիրի կառավարման խորհուրդը հաստատել է կրթահամալիրի 2021թ. դրամական մուտքերի և ծախսերի նախահաշիվը՝ ծրագրի միջոցների հաշվառումով, որը ամբողջությամբ մանկավարժական աշխատողի աշխատավարձ է։ Կցում ենք 12.02.2021թ. 21-02-040 գրությունը, որով կրթահամալիրի խորհրդի նախագահը և կրթահամալիրի տնօրենի պաշտոնը կատարողը  խնդիրը ներկայացրել են ՀՀ ԿԳՄՍ նախարար պարոն Դումանյանին (հավելված 1)։  

Ավելին …
12 Փետրվարի, 2021 / sebastaciradio

Ներկայացնում ենք

ՀՀ ԿԳՄՍ նախարար պարոն Դումանյանին

Հարգելի նախարար

Ներկայացնում ենք «Մխիթար Սեբաստացի» կրթահամալիր ՊՈԱԿ-ի 2021թ․ դրամական միջոցների ծախսերի նախահաշիվը։ Կից ներկայացնում ենք կրթահամալիրի կառավարման խորհրդի նիստի արձանագրությունը։

Նախահաշվի դրամական մուտքերը ներառում են կրթահամալիրի կանոնադրությամբ որոշված գործունեության համար պետական հատկացումները՝ հանրակրթության ծրագրով, նախնական մասնագիտական, միջին մասնագիտական կրթության ծրագրերով,  ՀՀ 2021թ. պետական բյուջեով որոշված և ՀՀ կառավարության 30.12.2020թ. «Հայաստանի Հանրապետության 2021 թվականի պետական բյուջեի կատարումն ապահովող միջոցառումների մասին» N2215 որոշմամբ որպես դրամաշնորհ «Մխիթար Սեբաստացի» կրթահամալիրին հատկացված 126383600 դրամը։ Այլ կերպ չի կարող լինել, քանի որ կրթահամալիրը մի կազմակերպություն է՝ իր կանոնադրությամբ որոշված բոլոր ծրագրերով, ամբողջական ֆինանսավորմամբ։ «Մխիթար Սեբաստացի» կրթահամալիր ՊՈԱԿ-ի կանոնադրությամբ կրթահամալիրը «շահույթ ստանալու նպատակ չհետապնդող, իրավաբանական անձի կարգավիճակ ունեցող փորձարարական-հետազոտական, նախադպրոցական, հանրակրթական հեղինակային, նախնական մասնագիտական (արհեստագործական), միջին մասնագիտական փորձնական, նախասիրական, լրացուցիչ (այդ թվում` արտադպրոցական) կրթական ծրագրեր իրականացնող պետական ոչ առևտրային կազմակերպություն է»:

Ավելին …
11 Փետրվարի, 2021 / sebastaciradio

Արձանագրություն 21-03 (11.02.2021)

2021 թվականի փետրվարի 11-ին տեղի ունեցավ ՀՀ ԿԳՆ «Երևանի «Մխիթար Սեբաստացի» կրթահամալիր» ՊՈԱԿ-ի կառավարման խորհրդի նիստը: Համաճարակի սկզբից առ այսօր առաջին առկա նիստն էր, սակայն բացակայող մասանակիցներին հնարավորություն տրվեց մասնակցել հեռավար կարգով՝ teams ծրագրի միջոցով: Նիստին մասնակցում էին խորհրդի 14 անդամները: Հարգելի պատճառով բացակայում էր Մարինա Աբրահամյանը:

Օրակարգում.

Կրթահամալիրի ժամանակավոր տնօրեն Սուսան Մարկոսյանը ներկայացրեց ազատված և նոր ընդունված աշխատողներին: Նոր ընդունված աշխատողները նույնպես մասնակցում էին նիստին, ներկայացան և պատասխանեցին խորհրդի անդամներին հարցերին: Նշվեց նաև, որ նոր ընդունված դասավանդողների մի մասը վերադարձել է ֆիզարձակուրդից:

Ներկայացվեց կրթահամալիրի տնտեսության ֆինանսական կազմակերպումը, դրամական մուտքերը և ծախսերը, նախահաշիվը: Սուսան Մարկոսյանը պատասխանեց տրված հարցերին, մանրամասնեց փաստաթղթերում ներկայացվածը: Խորհուրդը հաստատեց փաստաթղթերը, հաստատեց 2021 թ ծախսային ծրագրերի նախահաշիվը:

Ներկայացվեց կրթահամալիրի 2021 թ. կառուցվածքը, հաստիքացուցակը, նշվեց փաստաթղթերում արված փոփոխությունները: Խորհուրդը նայեց նաև կրթահամալիրի աշխատողի աշխատավարձի ձևավորման միասնական ցուցանիշը, հաստատեց փաստաթղթերը:

Շարունակվեց խոսակցությունը կրթահամալիրի՝ պետական ֆինանսավորման հետ կապված, հետպատերազմյան շրջանում ֆինանսավորման 10 տոկոսի կրճատման վերաբերյալ, խորհրդի նախագահը և անդամներն հայտնեցին իրենց անհամաձայնությունը և առաջարկեցին միասնական նամակ ուղարկել նախարարություն այս հարցի վերաբերյալ: Պայմանավորվածություն ձեռք բերվեց նամակի նախագիծը կազմել առցանց քննարկմամբ հաջորդ օրը:

Նիստի տեսագրությունը՝ այստեղ:

Խորհրդի նախագահ՝ Արամազդ Ղալամքարյան

Խորհրդի քարտուղար՝ Տաթև Աբրահամյան

11.02.2021