Skip to content
5 Սեպտեմբերի, 2020 / sebastaciradio

Արձանագրություն 20-10 05.09.2020)

2020թ. սեպտեմբերի 5-ին տեղի ունեցավ կրթահամալիրի կառավարման խորհրդի բաց նիստը՝ կրթահամալիրի տնօրեն Աշոտ Բլեյանի, կրթահամալիրի վարչական խորհրդի, մանկավարժական աշխատողների ժողովի, սեբաստացի բաց համայնքի ծնողական խորհուրդների ներկայացուցիչների մասնակցությամբ։

Խորհուրդը լսեց հետևյալ հարցերը՝

· «Մխիթար Սեբաստացի» կրթահամալիրի՝ ՊՈԱԿ-ից հիմնադրամի վերակազմակերպման ընթացքի մասին։

· Կրթահամալիր ՊՈԱԿ-ի տնօրենի լիազորությունների դադարեցման մասին։

· 2020թ. սեպտեմբերի 14-ին ընդառաջ, կրթահամալիրի բնականոն գործունեության մասին։

ՀՀ վարչապետի հանձնարարությունը ՀՀ ԿԳՄՍ նախարարին՝ հնգօրյա ժամկետում ներկայացնելու «Երևանի «Մխիթար Սեբաստացի» կրթահամալիր» ՊՈԱԿ-ը հիմնադրամի վերակազմավորելու վերաբերյալ ՀՀ կառավարության որոշման նախագիծը, ոգևորում և կառուցողական տրամադրվածություն է հաղորդում կրթահամալիրի տնօրինությանը, աշխատողներին, կառավարման խոհրդին, սեբաստացի կրթական բաց համայնքին։ Սեպտեմբերի 4-ին կրթահամալիրի ուսումնական օրացույցով որոշված շքերթը, Սասնալանջի վերածված սարալանջի հանրային ներկայացումը, սեպտեմբերի 1-3-ը կրթահամալիրի տնօրենի աշխատակազմի և ՀՀ ԿԳՄՍ նախարարության պատասխանատուների՝ կառավարության որոշման նախապատրաստման համատեղ աշխատանքը դրա ապացույցն են։ Ծնողների նախաձեռնությամբ ստեղծվել է և սեպտեմբերի 7-ից կսկսի գործել հանրային իրազեկման համար ասուլիսների ամենօրյա հարթակը, որը սեբաստացի կրթական բաց համայնքի ամենշաբաթյա առցանց հանդիպումների հետ թույլ չի տա, որ ոչ հավաստի տեղեկություն փոխանցվի հանրությանը, կբացառի համայնքի շահերին հակասող, խորհրդի բաց նիստում արտահայտված և որոշում դարձած դիրքորոշման շրջանակից դուրս որևէ գործողություն։

Սեպտեմբերի 7-ից կրթահամալիրի ուսումնակազմակերպչական, ուսումնահետազոտական, տնտեսության գծով փոխտնօրենները, կրթահամալիրի դպրոցների, քոլեջի տնօրենները իրենց պարտականությունների բարեխիղճ կատարմամբ, ունենալով կրթահամալիրի հիմնադիր տնօրեն Աշոտ Բլեյանի անվերապահ աջակցությունը, կապահովեն կրթահամալիրին բնորոշ մոբիլ, ստեղծական, բարեխիղճ աշխատանքը, որպեսզի սեպտեմբերի 14-ից կրթահամալիրով մեկ լիարժեք դառնա ուսումնական պարապմունքների կազմակերպումը՝ սեպտեմբերի 1-ից սկսված ընտանեկան-հեռավար-առցանց դպրոցների համակցումով։

Քննարկման արդյունքներով ընդունվեց հայտարարություն։ Սեբաստացի կրթական բաց համայնքը՝

· լիահույս է, որ ՀՀ կառավարությունը, ՀՀ ԿԳՄՍՆ գնահատում են կրթահամալիրի 31 տարվա ինքնուրույնությունը, ինքնավարությունը, կարևորում են հանրապետական, համահայկական, միջազգային ճանաչման հասած պետական այլընտրանքային՝ հեղինակային կրթական ծրագրի զարգացումը․

· միակամ է՝ թույլ չտալու կրթահամալիրի ինքնուրույնությունը, ինքնավարությունը կասկածի տակ դնող որևէ գործողություն.

· խնդրում է ՀՀ կառավարությանը արագացնել «Երևանի «Մխիթար Սեբաստացի» կրթահամալիր» ՊՈԱԿ-ը հիմնադրամի վերակազմավորելու որոշման ընդունումը.

· վստահեցնում է, որ դա ոչ միայն որևէ ձևով չի խանգարի կրթության՝ ՀՀ կառավարության ընդունած, հրապարակած ռազմավարական փոփոխություններին, այլ դրական օրինակ կծառայի պետական կազմակերպություններին՝ ըստ իրենց պատրաստության մակարդակի աճի, առավելագույն ինքնուրույնություն դրսևորելու համար։

Կրթահամալիրի խորհուրդն առաջարկում է մինչև կառավարության որոշման ընդունումը սահմանված կարգով կրթահամալիր ՊՈԱԿ-ի տնօրենի ժամանակավոր պաշտոնակատար նշանակել կրթահամալիրի փոխտնօրեն Սուսան Մարկոսյանին, կրթահամալիրի կանոնադրությամբ որոշված ինքնավարությունը ապահովելու համար։

Նիստի ամբողջական տեսագրությունը՝ այստեղ:

Խորհրդի նախագահ՝ Արամազդ Ղալամքարյան

Խորհրդի քարտուղար՝ Տաթև Աբրահամյան

05.09.2020

5 Սեպտեմբերի, 2020 / sebastaciradio

Խորհրդի նիստ (05.09.2020)

2020թ. սեպտեմբերի 5-ին՝ ժամը 19։00, «Մխիթար Սեբաստացի»  կրթահամալիրի խորհրդի նախագահը Microsoft Teams առցանց հարթակում հրավիրում է կառավարման խորհրդի բաց նիստ: (մուտքը՝  հղումով)

Օրակարգում՝ 

3 Սեպտեմբերի, 2020 / sebastaciradio

Արձանագրություն 20-09 (03.09.2020)

2020 թվականի սեպտեմբերի 3-ին տեղի ունեցավ «Մխիթար Սեբաստացի» կրթահամալիրի խորհրդի հերթական նիստը: Նիստն անկացվեց Microsoft Teams առցանց հարթակում : Խորհրդի բոլոր անդամները ներկա էին:

Օրակարգում ընդգրկված էին հետևյալ հարցերը.

  1. Տեղեկանք` 2020-2021 ուստարին թվերով․ համեմատություն նախորդ տարիների հետ
  2. Մանկավարժական աշխատողներ
  1. Կրթահամալիրի կառուցվածքը
  • մասնաճյուղ ուսումնական հաստատություններ, ղեկավարներ
  • մասնաճյուղ ուսումնական կենտրոններ, ղեկավարներ
  • ծառայություններ
  1. Հաստիքացուցակտարիֆիկացիոն ցուցակներ
  2. Աշխատավարձի ձևավորման միասնական ցուցանիշներ
  3. 2020թ․ սեպտեմբեր-դեկտեմբեր ամիսների դրամական մուտքեր-ծախսեր

Վերոնշյալ բոլոր հարցերը մանրամասն ներկայացվեցին և տրվեցին բացատրություններ: Ընդունելության համեմատությունները նայելով` փաստեցինք, որ այս տարի աննախադեպ աճ ենք գրանցել, կրթահամալիրը զարգանում է:

Մի խումբ ուսուցիչներ, ովքեր վերադարձել են ֆիզարձակուրդից, արդեն անցել են բնականոն աշխատանքի: Կարևոր հարցադրում և նշում էր այն, որ սա արվել ոչ թե փոխարինող ուսուցիչներին ազատելով, այլ կրթահամալիրի զարգացման արդյունքում նոր աշխատատեղեր ավելանալու:

Խորհուրդը նայեց կրթահամալիրի կառուցվածքը, հաստիքացուցակը և տարիֆիկացիան ներկայացնող փաստաթղթերը, հաստատեց:

Խորհուրդը հաստատեց նաև աշխատանքի ձևավորման միասնական ցուցանիշները, սեպտեմբեր-դեկտեմբեր ամիսների դրամական մուտքերն ու ծախսերը:

Նիստի ամբողջական տեսագրությունը՝  առաջին մաս, երկրորդ մաս :

Խորհրդի նախագահ՝ Արամազդ Ղալամքարյան

Խորհրդի քարտուղար՝ Տաթև Աբրահամյան

03.09.2020

3 Սեպտեմբերի, 2020 / sebastaciradio

Աշոտ Բլեյանին պետական պարգևի ներկայացնելու առաջարկ

ՀՀ վարչապետ Նիկոլ Փաշինյանին

Հարգելի վարչապետ.

Առաջարկում ենք կրթահամալիրի տնօրեն Աշոտ Շամխալի Բլեյանին (կենսագրական տեղեկանքը) Հայաստանի Հանրապետության պետական պարգևի և Հայաստանի Հանրապետության պատվավոր կոչման ներկայացնել՝

  • Հայաստանում ՀՀ Անկախության հռչակագրով որոշված՝ կրթության սեփական համակարգի՝ «Մխիթար Սեբաստացի» փորձարարական-հետազոտական, կրթական տարբեր ծրագրեր իրականացնող միավորման ստեղծման, զարգացման, դրա հանրապետական, համահայկական, միջազգային ճանաչման հասցնելու համար.
  • ՀՀ օրենքով որոշված՝ պետական այլընտրանքային՝ հեղինակային կրթական ծրագրի հայեցակարգի համար.
  • հեղինակային կրթական ծրագրի հեղինակների ստեղծագործական հավաքանու, ծրագիր մշակող, կազմակերպող տարածող ուսուցչի նոր կարգավիճակի, սեբաստացի կրթական բաց, գործուն, համերաշխ համայնքի համար.
  • սեբաստացի կրթական համայնքի միջոցներով և սովորողիների, ուսուցիչների նախագծային աշխատանքով խորհրդային ժառանգություն շենքերը-շինությունները՝ ներսով-դրսով, կրթական նոր միջավայրի վերածելու, հարավարևմտյան զանգվածի թաղամասերում կրթական պարտեզներ ստեղծելու համար։

Հարգանքով՝

Հայաստանի Հանրապետության քաղաքացի (Ձեր համաձայնությունը կարող եք գրանցել հղումով)

29 Օգոստոսի, 2020 / sebastaciradio

Խորհրդի նիստ (03.09.2020)

Սեպտեմբերի 3-ին` ժամը 17:30, Microsoft Teams առցանց հարթակում հրավիրվում է կրթահամալիրի խորհրդի նիստ (մուտքը՝ հղումով)

  Օրակարգում․

2020-2021 ուսումնական տարի, սեպտեմբեր-դեկտեմբեր

  1. Տեղեկանք` 2020-2021 ուստարին թվերով․ համեմատություն նախորդ տարիների հետ
  2. Մանկավարժական աշխատողներ
  1. Կրթահամալիրի կառուցվածքը
  • մասնաճյուղ ուսումնական հաստատություններ, ղեկավարներ
  • մասնաճյուղ ուսումնական կենտրոններ, ղեկավարներ
  • ծառայություններ
  1. Հաստիքացուցակտարիֆիկացիոն ցուցակներ
  2. Աշխատավարձի ձևավորման միասնական ցուցանիշներ
  3. 2020թ․ սեպտեմբեր-դեկտեմբեր ամիսների դրամական մուտքեր-ծախսեր
17 Օգոստոսի, 2020 / sebastaciradio

Քննարկում ԿԳՄՍ-նում

Օգոստոսի 17, ժամը 14։00

Նյութեր

Մասնակիցները՝

Արամազդ Ղալամքարյան
Աշոտ Բլեյան
Հերմինե Անտոնյան
Արտյոմ Խաչատրյան
Վիգեն Ավետիս
Պարգև Բարսեղյան
Մանուկ Խաչատրյան
Դիանա Բարսեղյան
Վլադիմիր Հովսեփյան
Վանուհի Սիմոնյան
Գոհար Բալջյան
Տաթև Աբրահամյան
Մարինա Աբրահամյան
Իլոնա Սահակյան

13 Օգոստոսի, 2020 / sebastaciradio

Արձանագրություն 20-08 (13.08.2020)

2020 թվականի օգոոստոսի 13-ին տեղի ունեցավ «Մխիթար Սեբաստացի» կրթահամալիրի խորհրդի հերթական նիստը: Նիստն անկացվեց Microsoft Teams առցանց հարթակում : Հարգելի պատճառներով բացակայում էին Վերժինե Կագարյանը, Պարգև Բարսեղյանը, Մարինա Աբրահամյանը:

Օրակարգում ընդգրկված էին հետևյալ հարցերը.

  1. «Երևանի «Մխիթար Սեբաստացի» կրթահամալիր» ՊՈԱԿ-ը «Երևանի «Մխիթար Սեբաստացի» կրթահամալիր» հիմնադրամի վերակազմավորման հարցի ընթացքը

Նյութեր

փոխտնօրենների նախաձեռնությունը

տիար-տնօրենի արձագանքը

Մարիետ Սիմոնյան

2. Ա․ Բաբաջայանի փողոցի վերգետնյա անցման մասին

Հիմնական քննարկման թեման «Մխիթար Սեբաստացի» կրթահամալիր» ՊՈԱԿ-ը «Երևանի «Մխիթար Սեբաստացի» կրթահամալիր» հիմնադրամի վերակազմավորման ընթացքն էր: Քննարկվեց ԿԳՍՄ նախարարի առաջարկը վերոնշյալ հարցը քննարկել նախարարությունում կրթահամալիրի տնօրենի և Խորհրդի անդամների հետ: Խորհուրդը որոշեց ընդունել առաջարկը և մասնակցել հանդիպմանը:

Քննարկվեց նաև Ա. Բաբաջանյանի փողոցի վերգետնյա անցման հնարավոր անվտանգ լուծման հարցը: Ներկայացված առաջարկը կրթահամալիրի սովորողների Մայր դպրոց-Արևմտյան դպրոց անցումն անվտանգ դարձնելու ամենահարմար առաջարկն է: Խորհուրդը հավանություն տվեց առաջարկին:

Նիստի ամբողջական տեսագրությունը՝ այստեղ:

Խորհրդի նախագահ՝ Արամազդ Ղալամքարյան

Խորհրդի քարտուղար՝ Տաթև Աբրահամյան

13.08.2020

13 Օգոստոսի, 2020 / sebastaciradio

Խորհրդի նիստ (13.08.2020)

Օգոստոսի 13- ին,  ժամը՝ 17:30, Microsoft Teams առցանց հարթակում հրավիրվում է կրթահամալիրի խորհրդի նիստը ( մուտքը՝ հղումով )

  1. «Երևանի «Մխիթար Սեբաստացի» կրթահամալիր» ՊՈԱԿ-ը «Երևանի «Մխիթար Սեբաստացի» կրթահամալիր» հիմնադրամի վերակազմավորման հարցի ընթացքը

Նյութեր

փոխտնօրենների նախաձեռնությունը

տիար-տնօրենի արձագանքը

Մարիետ Սիմոնյան

2. Ա․ Բաբաջայանի փողոցի վերգետնյա անցման մասին

16 Հուլիսի, 2020 / sebastaciradio

Արձանագրություն 20-07 (16.07.2020)

2020 թվականի հուլիսի 16-ին տեղի ունեցավ «Մխիթար Սեբաստացի» կրթահամալիրի խորհրդի հերթական նիստը: Նիստը նորից անկացվեց Microsoft Teams առցանց հարթակում : Հարգելի պատճառներով բացակայում էր Վերժինե Կագարյանը:

Օրակարգում ընդգրկված էին հետևյալ հարցերը.

  1. Կրթահամալիրի 2020թ. գործունեություն՝
  1. կրթահամալիրի տնօրենի տեղակալների հաստատում
  • Գևորգ Հակոբյան — փոխտնօրեն, մանկավարժության լաբորատորիայի ղեկավար (CV)
  • Սուսան Մարկոսյան — փոխտնօրեն, մանկավարժության կենտրոնի ղեկավար  (CV)
  • Էդիկ Սարիբեկյան — փոխտնօրեն տնտեսության գծով  (CV)
  1. 2020-2021 ուստարվա ընդունելություն
  2. Ուսուցողական միջավայրի բարելավման աշխատանքներ
  3. Կրթահամալիրի կայքիբլոգների նորացում
  4. Մուտք կրթահամալիր մանկավարժական ճամբարներ

Բոլոր կետերը մանրամասն ներկայացվեցին: Խորհուրդը հաստատեց ներկայացված և մանրամասն պարզաբանված նախահաշիվը:

Նախորդ նիստին ներկայացվել էր կրթահամալիրում ևս մեկ փոխտնօրենի հաստիքի առաջացման պահանջը: Այս անգամ կրթահամալիրի տնօրենը ներկայացրեց փոխտնօրեններին և նրանց գործառույթները, Խորհուրդը հաստատեց:

Ներկայացվեց կրթահամալիրում ընդունելության ընթացքը, նախորդ տարվա համեմատ հստակ երևում է զարգացումը՝ կրթահամալիրում սովորել ցանկացողների մեծ թիվը: Խորհրդի անդամները իրենց հուզող հարցերը բարձրացրին ՝ կապված դասարանում սովորողի թվի հետ:  Կրթահամալիրի տնօրենը պատասխանեց բարձրացրած հարցերին:

Ներկայացվեց ուսումնական տարվան ընդառաջ միջավայրի բարելավման աշխատանքների ընթացքը, այդ թվում՝ կայքի և բլոգների նորացում:

Ընթացքի մեջ է մանկավարժական ճամբարի նախապատրաստումը:

Նիստի ամբողջական տեսագրությունը՝ այստեղ:

Խորհրդի նախագահ՝ Արամազդ Ղալամքարյան

Խորհրդի քարտուղար՝ Տաթև Աբրահամյան

16.07.2020

10 Հուլիսի, 2020 / sebastaciradio

Խորհրդի նիստ(16.07.2020)

Հուլիսի 16-ին, ժամը՝ 17:30, Microsoft Teams առցանց հարթակում հրավիրվում է կրթահամալիրի խորհրդի նիստը ( մուտքը՝ հղումով):

Օրակարգում.

  1. Կրթահամալիրի 2020թ. գործունեություն՝
  1. կրթահամալիրի տնօրենի տեղակալների հաստատում
  • Գևորգ Հակոբյան — փոխտնօրեն, մանկավարժության լաբորատորիայի ղեկավար (CV)
  • Սուսան Մարկոսյան — փոխտնօրեն, մանկավարժության կենտրոնի ղեկավար  (CV)
  • Էդիկ Սարիբեկյան — փոխտնօրեն տնտեսության գծով  (CV)
  1. 2020-2021 ուստարվա ընդունելություն
  2. Ուսուցողական միջավայրի բարելավման աշխատանքներ
  3. Կրթահամալիրի կայքիբլոգների նորացում
  4. Մուտք կրթահամալիր մանկավարժական ճամբարներ